يوميات سارة وزينة زينة تسقط من أول إلى أخر درجة

كما قرأتم..سقطت من أول درجة إلى أخر درجة...بينما أختي الله يسامحها تجلس بغرفتها وتتكلم بالهاتف..لم تسمع سوى صوت " دج دج دج دج "..راحت بسرعة على الدرج..إلا وزينة جالسة على أخر درجة وتبكي..تقول أختي : والله يا سارة انا مفكراها بتلعب مع بنت عمها جمانة..وكنها كاينة تلحقها وبدها تنزل الدرج متل ما هديك بتنزل..وواقعة كل الدرجات..وجاي على أخر درجة قعود الحمدلله..وانا بقلها وشو سارلها ؟؟؟؟..بتحكيلي لأ الحمدلله الله سترها..لأنه زينة دايما بتاكل ضربات على راسها وراسها بينتفخ هههه..بعدين ما بعرف في شي براس زينة مو مسكر..ما بعرف شو هو..عشان هيك أختي بتخاف عليها كتير..بس الحمدلله ما سارلها شي مبارح كانت تلعب مع سيدي بالكرة ههههه..يا حبيبتي يا زينة..هي متعودة تنزل وتطلع الدرج..بالبداية كانت أختي تمسك أيدها..بعدين تطورت وسارت تنزل وتطلع وهي تمسك بالجنب تاع الدرج..بعدين هلأ بدها تطور أكتر وأكتر وتحاول تنزل وتطلع الدرج من دون ما تمسك بشي..بس للأسف فشلت هههه..بس هادي الاميرة لو تصر على شي..تعمله , قوية ما حد أدها ههههه..بس الحمدلله 10000000 مرة أنه الدرج تاع أختي مفروش موكيت..وبس 17 أو 18 درجة..بس!!.. يعني لو كان خشب الدرج كان مو منيح..خاصة أنه بيوتهم ما بعرف كيف..كله خشب بخشب هههه..بس يلا سلاااااااامتها لزنزونة..سلااامتها للأميرة..ووووو..إنتظروني بيوميات سارة وزينة